Ապրիլի 30-ին Դիլիջանի կենտրոնական դպրոցում տեղի ունեցավ շախմատային յուրահատուկ կրթական իրադարձություն՝ «Վիկտորինա 64» խորագրով, որը կազմակերպել էր դպրոցի շախմատի ուսուցիչ Վահրամ Փամբուխչյանը։ Այս հանդիպման ժամանակ վեցերորդ դասարանցիները բաց դասի ձևաչափով փորձարկում էին չորրորդ դասարանցիների շախմատային գիտելիքներն ու խաղային մտածողությունը։
Միջոցառման ընթացքում աշակերտները վերլուծում էին դասական պարտիաներ, քննարկում էին դիրքային փոխանակումների նպատակահարմարությունը և մատի կառուցման տարբեր ձևաչափեր։
«Վիկտորինա 64»-ը միայն խաղ չէր՝ դա հնարավորություն էր, որտեղ յուրաքանչյուր քայլ ու հակաքայլ պահանջում էր ուշադրություն, կանխատեսում և տրամաբանական կապերի տեսություն։ Միջոցառումն ապացուցեց, որ շախմատը դպրոցի պատերից դուրս եկող ինտելեկտուալ գործիք է, որը զարգացնում է ռազմավարական մտածողություն, խնդիրների լուծման ունակություն և հոգեբանական կայունություն։
Այսպիսի նախաձեռնությունները ևս մեկ անգամ ընդգծում են շախմատի դերն ինչպես կրթության, այնպես էլ անձի ինտելեկտուալ զարգացման գործում։
