Նորամուծությունը անցյալ տարվանից է կիրառվում և արդեն տվել է դրական արդյունքներ։ Դպրոցի ամենափոքրիկ երկու դասարանների աշակերտներին դասավանդում է Աննա Ղազարյանը ֆիտբոլի գնդակով։ Նրա խոսքերով՝ ֆիտբոլի վարժանքները շատ արդյունավետ և օգտակար են ֆիզիկական պատրաստվածության առումով, ավելին՝ երեխաները մեծ սիրով և աշխուժությամբ են մասնակցում դասերին, գույնզգույն գնդակների միջոցով մարզումները ոչ միայն առողջարար են մեր փոքրիկ աշակերտների համար, այլև ուրախ տրամադրություն, առույգ տեսք և նոր եռանդ են պարգևում նրանց։