Դիլիջանի կենտրոնական դպրոցը հայտարարում է 2024-2025 ուստարվա ընդունելություն։
2024-2025 ուսումնական տարում դպրոցում կատարվում է հիմնական և լրացուցիչ ընդունելություն՝ թափուր տեղերի համալրման նպատակով։
Ընդունելություն
Ընդհանուր դրույթներ
Հիմնական ընդունելություն
2024-25 ուստարում հիմնական ընդունելություն է կատարվում միայն 1-ին դասարանում։
Հիմնական ընդունելությամբ ընդունված մեկ աշակերտի տարեկան ուսման վճարը 2024-2025 ուսումնական տարվա համար կազմում է 200․000 ՀՀ դրամ:
Լրացուցիչ ընդունելություն
2024-25 ուստարում լրացուցիչ ընդունելություն է կատարվում հետևյալ դասարաններում․
1-ին դասարան
2-րդ դասարան
6-րդ դասարան
Լրացուցիչ ընդունելությամբ ընդունված մեկ աշակերտի տարեկան ուսման վճարը մեկ ուսումնական տարվա համար կազմում է 1․400․000 /մեկ միլիոն չորս հարյուր հազար/ ՀՀ դրամ:
Ժամանակացույց
| Բաց դռների միջոցառում | մայիսի 8, 15 |
| Դիմումների ներկայացում | մայիսի 15-23 |
| Հանդիպում-դասեր դիմորդների հետ /1-ին դասարան/ | մայիսի 31, հունիս 1-2 |
| Զրույցներ դիմորդների ծնողների հետ /1-ին դասարան/ | հունիսի 2 |
| Ընդունելության արդյունքների ամփոփում և հրապարակում /1-ին դասարան/ | հունիսի 5 |
| Մայրենի (գիտելիքի ստուգում) /2-րդ և 6-րդ դասարաններ/ | հունիսի 5 |
| Մաթեմատիկա (գիտելիքի ստուգում) /2-րդ և 6-րդ դասարաններ/ | հունիսի 6 |
| Անգլերեն (ստուգաթեստ) /6-րդ դասարան/ | հունիսի 7 |
| Անհատական հարցազրույցներ դիմորդների և ծնողների հետ /2-րդ և 6-րդ դասարաններ/ | հունիսի 10 |
| Ընդունելության արդյունքների ամփոփում և հրապարակում /2-րդ և 6-րդ դասարաններ/ | հունիսի 12 |
Բաց դռների օրեր
Ծնողների և դիմորդների համար դպրոցում կազմակերպվում է բաց դռների օր, որի ընթացքում դպրոցի թիմը ներկայացնում է դպրոցը և պատասխանում բոլոր հարցերին: Նույն օրը բոլոր հյուրերի համար կազմակերպվում է ծանոթական շրջայց դպրոցում: Բաց դռներին մասնակցությունը բոլոր դիմորդների ծնողների համար պարտադիր է։ Դիմումը ներկայացրած, սակայն բաց դռների միջոցառմանը չմասնակցած ծնողների երեխաները ընդունելությանը մասնակցելու հնարավորությունից զրկվում են։
Քննություններ
6-րդ դասարանի թափուր տեղերի համալրման համար նախատեսված են քննություններ մայրենի, մաթեմատիկա և անգլերեն առարկաներից, 2-րդ դասարանի դեպքում մայրենի և մաթեմատիկա առարկաներից, որոնք կատարվում են նախորդ դասարանի տարեկան ստուգումներին համապատասխան։
Ընդունելության քննություններից բացի` բոլոր դիմորդները և ծնողները (կրտսեր դպրոցի դեպքում՝ միայն ծնողները) անցնում են հարցազրույցի փուլով:
Դպրոց ընդունված երեխաների ցանկը հաստատվում է Ընդունող հանձնաժողովի որոշմամբ` ընդունելության քննությունների և դիմորդների ու ծնողների հետ զրույցի արդյունքների հիման վրա: Ընդունող հանձնաժողովի որոշումը վերջնական է, չի մեկնաբանվում և չի բողոքարկվում:
Դիմումների լրացում և փաստաթղթերի ներկայացում
Դիմորդների ծնողները լրացնում և ուղարկում են ընդունելության դիմումի ձևը: Էլեկտրոնային դիմումը անհրաժեշտ է ուղարկել admissions@dcs.am էլփոստի հասցեին մինչև 2024 թվականի մայիսի 22-ի ժամը 15։00-ն, իսկ դիմումի տպագիր տարբերակը պահանջվող փաստաթղթերի հետ դպրոց ներկայացնել մինչև մայիսի 23-ի ժամը 15։00-ն։
Ընդունելության գործընթացի փուլերը
Ընդունելության գործընթացի ստորև ներկայացված բոլոր փուլերի մասնակցությունը պարտադիր Է։
