Փետրվարը Դիլիջանի կենտրոնական դպրոցում հայտարարված էր որպես հայ դասական երաժշտության ամիս։ Ամսվա ընթացքում իրականացվեցին տարատեսակ նախաձեռնություններ, որոնք հնարավորություն տվեցին աշակերտներին՝ ճանաչելու հայ մեծ կոմպոզիտորներին և նրանց ստեղծագործությունները։ Ամիսն ամփոփվեց հայ դասական համերգով, որին աշակերտները պատրաստվել էին մեծ սիրով և հուզմունքով։ Համերգը հարգանքի յուրատեսակ տուրք էր մեր երաժշտական ժառանգությանը, որի դերն անչափ կարևոր է հայկական արվեստի ու մշակույթի զարգացման գործում։ Մենք պետք է շարունակենք պահպանել և փոխանցել այն ապագա սերունդներին։
