Երաժշտության ուսուցիչ

Մոլդովական 77, ք․Դիլիջան, Հայաստան
Դիմումների ընդունման վերջնաժամկետ՝ 28.11.2021 թ․
Աշխատանքը Դիլիջան քաղաքում է։

Պահանջվող հմտություններ

Մեզ կարող են դիմել երաժշտության ուսուցիչները, ովքեր բավարարում են հետևյալ չափանիշներին.

ունեն բարձրագույն կրթություն՝ համապատասխան ոլորտում,
ունեն երեխաների հետ աշխատելու առնվազն մեկ տարվա փորձ,
լիարժեք տիրապետում են իրենց մասնագիտությանը և մշտապես հետևում դրա ժամանակակից զարգացումներին` ինչպես արտերկրում, այնպես էլ Հայաստանում,
դպրոցում աշխատելը համարում են իրենց կոչումը և կարողանում են ոգևորել երեխային,
ուսումնական գործընթացում ցուցաբերում են ստեղծագործական և վերլուծական մոտեցում և չեն խուսափում նորարարություններից,
ծանոթ են ուսուցման ժամանակակից մեթոդներին, տիրապետում են ժամանակի կառավարման հմտություններին,
տիրապետում են իրենց աշխատանքի համար անհրաժեշտ համակարգչային ծրագրերին,
շատ լավ գիտեն հայերեն և տիրապետում են աշխատանքային անգլերենին,
համոզված են, որ իրենց համար երբեք ուշ չէ սովորել:

Դիմելու կարգ

Բոլոր հետաքրքրված թեկնածուներին խնդրում ենք vacancy@dcs.am էլփոստի հասցեին ուղարկել .

1. ինքնակենսագրություն (CV),

2. նամակ-հիմնավորում ՝ «Ինչո՞ւ եմ ուզում աշխատել Դիլիջանի կենտրոնական դպրոցում» թեմայով (մեկ էջից ոչ ավել),

3. դասավանդման, դասարանի հետ աշխատանքի սեփական հակիրճ մոտեցումներն ու առաջնահերթությունները (նշված ֆորմատներից որևէ մեկով` MS Word, Power Point, Adobe PDF, Flash, Video և այլն),

4. ակադեմիական հաջողություններ (ուսուցչի և իր աշակերտների (եթե կան այդպիսիք) մասնակցություն տարբեր երաժշտական մրցույթների, փառատոնների, գրաված կարգեր, մրցանակներ և այլն)

Փաստաթղթերը կարող եք ուղարկել հայերեն, ռուսերեն կամ անգլերեն։ Նամակի բովանդակության տողում նշեք պաշտոնի անունը՝ երաժշտության ուսուցիչ:

Հայտերն ընդունվում են մինչև 2021 թ.-ի նոյեմբերի 30-ը ներառյալ: Ընտրված թեկնածուների հետ կապ կհաստատենք անձամբ՝ ընտրության հետագա փուլերը քննարկելու նպատակով:

Կազմակերպության մասին

Դիլիջանի կենտրոնական դպրոցը ստեղծվել է 2013 թվականին «Այբ» կրթական հիմնադրամի կողմից` ՀՀ Կենտրոնական բանկի (այսուհետ՝ ՀՀ ԿԲ) հետ համագործակցության արդյունքում: Այն հիմնական դպրոց է՝ նախատեսված է 1-9-րդ դասարանցի մինչև 160 աշակերտի համար:

Դիլիջանի կենտրոնական դպրոցը «Այբ»-ի իրագործած առաջին դպրոցական նախագիծն է՝ արտաքին պատվերով և ֆինանսավորմամբ: «Այբ» կրթական հիմնադրամի և ՀՀ ԿԲ համագործակցության արդյունքում ստեղծվել է դպրոցի քաղաքային մոդել՝ հասանելի ոչ միայն ՀՀ ԿԲ աշխատակիցների, այլև Դիլիջանում բնակվող այլ ընտանիքների երեխաների համար: Դպրոցում ուսանելու պայմանները նույնն են բացառապես բոլոր աշակերտների համար:

Դպրոցը «Այբ» համակարգի առաջին դպրոցն է՝ կառուցված Երևան քաղաքից դուրս: Իր գաղափարախոսությամբ ու տեսլականով, ուսումնական ծրագրով, դասավանդման մեթոդաբանությամբ ու մոտեցումներով, ուսուցիչների և աշակերտների ընդունելության քաղականությամբ դպրոցն ամբողջությամբ սինխրոնացված է Երևանի «Այբ» տարրական և միջին դպրոցների հետ: «Այբ» կրթական հիմնադրամը նաև պատասխանատու է դպրոցի կառավարման և «Այբ»-ի չափանիշներին համապատասխան ուսումնական բովանդակության վերահսկողության համար: