2013թ.-ի սեպտեմբերի 1, Դիլիջանի կենտրոնական դպրոց,
լիքը նոր աշակերտներ և այդ աշակերտներից մեկը ես էի՝ 7-րդ դասարանի շարքում։ Դիլիջանի կենտրոնական դպրոց,այստեղից սկսվում է իմ հաջողության նոր ճանապարհը։
Այստեղ իմ ներսում սերմանվեց այն 8 արժեքները,
որոնք մինչև այսօր օգնում են ինձ շարժվել առաջ, չհանձնվել, չկոտրվել,
չվախենալ սայթաքելուց , հետ չկանգնել ճանապարհից, միշտ ունենալ նոր
նպատակներ և ամենակարևորը, հասնել նպատակներին։
2016թ- ին ընդունվեցի և ուսումս շարունակեցի «Այբ ավագ դպրոցում»։
Այժմ Մխիթար Հերացու անվան Երևանի պետական բժշկական համալսարանի 4-րդ կուրսի ուսանողուհի եմ, առօրյաս անցնում է տարբեր հիվանդանոցներում, հիվանդասենյակներում՝ ուսումնասիրելով տարբեր բուժառուներիհիվանդությունների պատմությունները, փորձելով գտնել նրանց հիվանդություններիպատճառները և բուժումները։
«Այբ»դպրոցն ինձ ընձեռնեց այն հնարավորությունները ,որ կարողացա ավելի մոտիկից ճանաչել մարդկային տեսակները ,նրանց խառնվածքները ,հասկանալ նրանց խնդիրները ,իսկ ԵՊԲՀ-ը թույլ տվեց դառնալ այն մարդը, ով կօգնի եւ կաջակցի յուրաքանչյուրին,առանց որեւէ ակնկալիքի:
Ես իմ մեծ ուղու ՝ բժշկի կոչմանն արժանանալու դժվարին ճանապարհին եմ ՝պատասխանատու, բայց միեւնույն ժամանակ շատ հաճելի:
