Ապրիլի 12-ին կայացավ «ԴիջիԿոդ» կիրառական ծրագրավորման պատանեկան 10-րդ մրցույթի հանրապետական եզրափակիչ փուլը: Արդեն 10-րդ տարին անցկացվող այս մրցույթի նպատակն է խրախուսել և զարգացնել աշակերտների ալգորիթմական մտածողությունը: «ԴիջիԿոդ»-ը դարձել է նաև արդյունավետ հարթակ, որտեղ Հայաստանի բոլոր մարզերի դպրոցականները հանդիպում են միմյանց, կիսվում գիտելիքներով և նորարարական գաղափարներով։ Մասնակցության հայտ էր ներկայացրել ավելի քան 1600 աշակերտ մայրաքաղաքից, բոլոր մարզերից, Ջավախքից, Քուվեյթից և ԱՄՆ-ից: Հանրապետական եզրափակիչ փուլ հասավ 108 մասնակից։