Ապրիլի 14-ին Դիլիջանի կենտրոնական դպրոցի 8-րդ դասարանի աշակերտները «Լաբբոքս» ծրագրի շրջանակում այցելեցին Ալավերդու թիվ 10 հիմնական դպրոց։ Այցին մասնակցում էին նաև Կաճաճկուտի, Օձունի թիվ 2, Ձորագյուղի և Նեղոց գյուղի դպրոցների աշակերտները։ Մեր աշակերտները ներկայացրեցին ուսուցողական  լաբորատոր փորձեր քիմիայի, կենսաբանության և ֆիզիկայի ոլորտներից՝ խթանելով հետաքրքրությունը բնական գիտությունների նկատմամբ։ Այցը շարունակվեց Սանահինի վանական համալիրում, որտեղ Ալավերդու դպրոցի աշակերտներ Գևորգն  ու Նազենին վարպետությամբ ներկայացրեցին այս պատմամշակութային կոթողի հարուստ ժառանգությունը։ Օրը լի էր նոր փորձառություններով, համագործակցությամբ և միմյանց ճանաչելու  հնարավորությամբ։