ԼABBOX ծրագրի (շարժական լաբորատորիա, լաբորատոր փորձեր տարբեր դպրոցների աշակերտների համար) հերթական այցը Հաղարծին էր. մենք այցելել էինք Հաղարծնի միջնակարգ դպրոցի աշակերտներին:

Ի դեպ՝ այս անգամ ոչ մենակ. մեզ էին միացել Դիլիջանի թիվ 4,5 և 6 դպրոցի աշակերտները:

Մի քանի օր շարունակ Դիլիջանի կենտրոնական դպրոցում կենսաբանության, ֆիզիկայի և քիմիայի փորձերին մասնակցելով՝ աշակերտների խումբն արդեն պատրաստ էր այդ փորձերը ցուցադրելու և սովորեցնելու այլ դպրոցի աշակերտներին:

Շուրջ 100 աշակերտ միասին փորձեցին, փորձարկեցին, սովորեցին և սովորեցրին:

Շնորհակալություն բոլոր դպրոցներին համագործակցության և շատ հագեցած օրերի համար: