Ընկեր Վահրամի դասաժամերին ուրախությամբ են սպասում և՛ կրտսեր դպրոցի աշակերտները, և՛ միջին դպրոցի շախմատի խմբակի սաները։ Ընկեր Վահրամը կարողանում է շախմատային ամենանուրբ ու թաքնված հնարքները ներկայացնել հետաքրքիր և դյուրընկալելի՝ զուգակցելով ավանդական ու նորագույն մեթոդները, ինչի շնորհիվ նրա սաներն արդեն լուրջ հաջողություններ են ունենում քաղաքային, մարզային և ներդպրոցական մի շարք մրցաշարերում, գրանցում նշանակալի ձեռքբերումներ անհատական և խմբային խաղերում։