Գոհար Կոշտոյան
Գոհար Կոշտոյանը 1978 թ. ավարտել է Լենինականի Մ․Նալբանդյանի անվան Մանկավարժական ինստիտուտի բանասիրական ֆակուլտետը և ստացել է ռուսաց լեզվի և գրականության ուսուցչի որակավորում։ 1978-1979 թթ․ Գուգարքի շրջանի Բազում գյուղում աշխատել է որպես ռուսաց լեզվի ուսուցիչ։ 1979 թ. մրցույթով ընտրվելուց հետո սկսել է աշխատել որպես դասախոս Երևանի Կ․ Մարքսի անվան պոլիտեխնիկական ինստիտուտի Կիրովականի մասնաճյուղում։
Տարիներ անց ստացել է ավագ դասախոսի կոչում։ Ինստիտուտում աշխատելու տարիներին տպագրել է հոդվածներ և երկու զեկույցների թեզիսներ։ 1996 թ. սկսել է աշխատել Վանաձորի Գևորգ Չաուշի անվան միջնակարգ դպրոցում։ 2019 թվականին, մասնակցելով «Մշակույթային երկխոսությունը ռուսաց լեզվի դասավանդման գործընթացում » տասներորդ հանրապետական մրցույթին, պարգևատրվել է «Ռուսաց լեզվի լավագույն ուսուցիչ» անվանակարգում։2020 թվականի դեկտեմբերից դասավանդում է Դիլիջանի կենտրոնական դպրոցում։
