Սլավիկ Ալավերդյան

Բնական գիտություններ

Սլավիկ Ալավերդյանը ծնվել է 1992թ․՝ Իջևան քաղաքում։ Գերազանցության դիպլոմներով ավարտել է ԵՊՀ Իջևանի մասնաճյուղի բակալավրիատը («Կիրառական մաթեմատիկա և ֆիզիկա») և Երևանի պետական համալսարանի մագիստրատուրան («Մաթեմատիկա»)։

2015-2017թթ․ ծառայել է ՀՀ Զինված ուժերում։

2021թ․ գերազանցությամբ ավարտել է Շիրակի պետական համալսարանի մագիստրատուրան («Մասնագիտական մանկավարժություն՝ ֆիզիկա»)։ 2019-2022թթ․ եղել է Հայկական պետական մանկավարժական համալսարանի հայցորդ։

2015-2022թթ․ եղել է ԵՊՀ Իջևանի մասնաճյուղի դասախոս։

2019-2021թթ․ «Դասավանդի՛ր, Հայաստան» ծրագրով դասավանդել է Լոռու մարզի Ձորագյուղի հիմնական դպրոցում։

Աշխատել է նաև որպես «Արմաթ» ինժեներական լաբորատորիայի խմբավար և «Հայաստանի մանուկներ» ԲՀԿ-ի «Հետաքրքրաշարժ մաթեմատիկայի» ծրագրավար։ «Քան» ակադեմիայի համար ձայնագրել է ֆիզիկայի տեսանյութեր։

2022թ․ հունվարից ղեկավարում է «Այբ» հիբրիդային կրթության «Կանաչ ֆիզիկա» նախագիծը։ 2023թ․ փետրվարից աշխատում է «Հայաստանում եվրոպական վարժարան» հիմնադրամում։ Մասնակցել է գիտաժողովների, սեմինարների և վերապատրաստումների, կազմակերպել և վարել է դասընթացներ, կյանքի է կոչել համայնքային ծրագրեր։ Երեք գիտական և մեկ ուսումնամեթոդական հոդվածների հեղինակ է։

Դիլիջանի կենտրոնական դպրոցում աշխատում է 2020թ․ սեպտեմբերից։ 2022թ․ հիմնել է և ղեկավարում է դպրոցի «Պատանի հետազոտողի ակումբը»։