Դիլիջանի կենտրոնական դպրոցի 8-րդ դասարանի աշակերտները դասղեկ Աստղիկ Գուլանյանի նախաձեռնությամբ այցելեցին Վանաձորի Տարեցների տուն։ Անհնար է փոխանցել, թե որքան ջերմ ու հուզիչ էր շփումը երկու սերունդների միջև։ Տատիկ-պապիկները կիսվեցին իրենց կյանքի հարուստ փորձով, խորհուրդներով, միասին հետաքրքիր ժամանց անցկացրին և միմյանց շա՜տ սիրեցին։ Բաժանումը դժվար էր… բայց երեխաները խոստացան անպայման վերադառնալ և ամրապնդել նոր ստեղծված ընկերությունը։